Buscar en ficheiros TMX
Buscar en ficheiros TMX
O Proxecto Trasno leva poñendo a disposición pública ficheiros TMX con compendios de traducións para unha chea de proxectos de tradución de software libre desde hai algún tempo. O conxunto destes ficheiros TMX é o maior conxunto de traducións de software dispoñíbel actualmente.
Para poder realizar buscas en ditos ficheiros hai que seguir o seguinte:
- Descargar os ficheiros TMX dispoñíbeis desde http://www.trasno.gal/memorias-de-traducion/
- É necesario descomprimir os arquivos comprimidos executando unha orde como a seguinte desde un terminal:
$ for i in `ls -1 *.tar.gz`; do tar -xzf $i; done
Nota: Hai que ter en conta que é posíbel que por despiste non todos os arquivos sexan tar.gz. Non é raro que algún arquivo sexa un zip. |
Unha vez realizada a preparación dos ficheiros TMX xa é posíbel realizar consultas coa seguinte orde:
$ grep -A 5 "guillemet" *.tmx
Onde guillemet vén sendo o texto a buscar nos ficheiros. Este texto pode ser unha frase.
A opción -A permite indicar cantas liñas de contexto posteriores á liña onde se atopa o texto a buscar se mostrarán. En caso de que no contexto posterior non se poida ver a tradución só será necesario aumentar dita cantidade para mostrar máis liñas.
Tamén é posíbel buscar empregando expresións regulares:
$ egrep -A 5 "open window[s]?" *.tmx
A anterior orde busca aparicións de "open window" e de "open windows".