Converter .po e .ts a .tmx

Este como está disponible en

Error creating thumbnail: Unable to save thumbnail to destination

castellano en el wiki de Galpon.
This HowTo is available in

Error creating thumbnail: Unable to save thumbnail to destination

english in the in this wiki.

Traballo básico

Converter un só ficheiro .po a .tmx

Neste caso empregaremos as ferramentas «translate-toolkit», para elo, se non dispomos delas, teremos que instalalas xunto coas de desenvolvemento «python» e «python-dev»

• En Debian:

apt-get install translate-toolkit python python-dev

É tan sinxelo como executar, nun terminal, a seguinte orde:

	po2tmx ficheiro.po -l gl ficheiro.tmx

	   ↓        ↓       ↓  ↓      ↓
	   ↓        ↓       ↓  ↓      nome que terá o ficheiro «.tmx» resultante 
	   ↓        ↓       ↓  código do idioma final (como parámetro da opción -l)           
	   ↓        ↓       opción (obrigatoria) para indicar o idioma final (do .tmx) 
	   ↓        nome do ficheiro «.po» orixinal
	   orde de conversión po a(to) tmx

Converter varios ficheiros .po a un só ficheiro .tmx

Empregamos como exemplo a obtención dun ficheiro «.tmx» que conteña as traducións do Ubuntu 12.04 Precise

1.- Imos á páxina:

https://translations.launchpad.net/ubuntu/precise/+language-packs

á dereita fixámonos en:

Latest language packs

Base pack: 2012-05-08 10:57:58 UTC

Premendo na data/hora accedemos á descarga du ficheiro .tar.gz

2.- Unha vez descargado, descomprimímolo e buscamos o «noso paquete de idioma» e accedemos a el

cd /rosetta-precise/gl

3.- A fin de traballar nun cartafol no que non teñamos que andar perdidos entre un feixe de ficheiros, faremos todo o traballo nesta localización desde o terminal.

4.- O primeiro que imos facer é construír un ficheiro cun listado de todos os ficheiros «.po» que teñamos

find LC_MESSAGES/*.po > TodoUbuntu1204.txt

5.- A seguir construiremos un único ficheiro «.po»

msgcat -f TodoUbuntu1204.txt -u -o TodoUbuntu1204.po

6.- E, para rematar, construímos o ficheiro «.tmx» resultante

po2tmx -l gl TodoUbuntu1204.po TodoUbuntu1204.tmx

Nota: Nestes pasos anteriores só empregamos as ferramentas «translate-toolkit» indicadas no paso anterior

Traballando con ficheiros .ts como orixinais

Ás veces atopamonos con que os ficheiros de tradución teñen o formato de QtLinguist, o formato .ts. Este formato, para poder convertelo a TMX debe pasar antes polo formato .po (eu non coñezo outro método fiábel).

Normalmente os que traballamos con ese formato, xa temos instalado o Qt 4 Linguist de non ser así, para seguir estes pasos terás que instalalo. En debian apt-get install qt4-linguist-tools.

Para converter un ficheiro .ts a un ficheiro .po abrimos nun terminal o cartafol no que temos o ficheiro ts, e nel (no terminal) executamos:

lconvert -i ficheiro.ts -o ficheiro.po

Con isto obteremos un ficheiro .po, mais debemos ter coidado cos seguintes pasos, o mais importante non abrilo con POEdit, xa que faise un lío coa codificación UTF-8 e veremos que os tiles e demais están en ascii. Vaiamos a modo e fagamos o seguinte:

• Abrimos o ficheiro cun editor de texto simple, no principio, onde as cabeceiras, veremos esta entrada:

#, fuzzy
msgid ""
msgstr ""
"X-Virgin-Header: remove this line if you change anything in the header.\n"
"X-Language: gl\n"

• Substituimos/borramos esas liñas para que nos queden así:

#, fuzzy
msgid ""
msgstr ""
""

• Unha vez gardado, poderemos abrilo con Virtaal (supoño que outros aplicativos de CAT como Lokalize ou OmegaT tamén o permitiran)
• Temos outra alternativa, modificar directamente co editor de de texto simple e substituir por:

#, fuzzy
msgid ""
msgstr ""  
"Last-Translator: Pepe Perez <pepe@perez.com>\n"
"Language-Team: proxecto@trasno.net\n"
"Language: gl\n"
"Content-Type: text/plain; charset=UTF-8\n"
"Content-Transfer-Encoding: 8bit\n"
"Plural-Forms: nplurals=2; plural=(n != 1);\n"

Con isto xa poderemos abrilo coa ferramenta CAT que no pete, para axustar calquera dos datos das cabeceiras.

• A partires de aquí tratámolo como un ficheiro .po calquera.

Operacións complexas

Documentación de referencia:

• http://code.google.com/p/sgarlatur/wiki/MergingTMXs

Facer un só .tmx a partir de varios ficheiros .tmx

Para este proceso necesitamos dispor dun complemento de OmegaT chamado TMXMerger, para obtelo imos á páxina:

http://www.omegat.org/en/resources.html

Premendo na entrada TMXMerger (á dereita), lévanos á descarga dun ficheiro .zip

ou

wget http://www.omegat.org/resources/TMXMerger.zip

Unha vez descargado, descomprimímolo en ~/ (o noso «Cartafol persoal», así o recomendo, aínda que poderemos descomprimilo onde nos pete)

unzip TMXMerger.zip -d ~/

Executamos:

java -jar ~/TMXMerger/TMXMerger-1.1.jar source=gl TMXorixe1.tmx TMXorixe2.tmx [TMXorixe3.tmx]Final.tmx

Automatizar o proceso

Cando como no exemplo anterior co Ubuntu 12.04 Precise atopámonos con 1.67 ficheiros, temos que buscar algunha solución máis práctica. A min a mellor que se me ocorreu foi a de facer un «script» que automatice todo o proceso.

Para elo, copiade o seguinte contido nun editor de texto simple como Vi(m), Nano, Leafpad, Gedit, Kate. etc... e dádelle o nome que vos pareza mellor, e gardádeo nun cartafol, nun nivel superior a aquel no que teñades os «.po»

Dádelle permiso de execución con chmod +x nome-script

Executade o script (./nome-script), e tomadeo con paciencia.

Nota: MOI IMPORTANTE, o traballo con este paquete de Ubuntu 12.04 Precise, precisa, para el só 1GB de memoria, polo que en equipos cortiños de memoria pode levarlle moito tempo.

Código do script

#!/bin/sh

POdir=LC_MESSAGES
#POdir=PO

if [ ! -f ~/TMXMerger/TMXMerger-1.1.jar ]; then
    echo ""
    echo "AVISO:"
    echo ""
    echo "ten que obter o ficheiro TMXMerger.zip"
    echo "e descomprimilo no seu directorio persoal"
    echo ""
    echo "Pode obtelo en:"
    echo "    http://www.omegat.org/en/resources.html"
    echo ""
    exit
fi


find $POdir/ *.po  > POlist
sed -i "s+$POdir\/++" POlist
sed -i "s+.po++" POlist

[ -d TMX ] || mkdir TMX

cat POlist | while read poname

do
  po2tmx $POdir/$poname.po -l gl TMX/$poname.tmx
done

java -jar ~/TMXMerger/TMXMerger-1.1.jar source=gl TMX/*.tmx Total.tmx