Descubrir por que o corrector Hunspell de galego considera correcta unha palabra
From Proxecto Trasno
↑ Ir a «Guía de desenvolvemento do corrector Hunspell de galego».
Durante o desenvolvemento do corrector, ou durante o seu uso, un pode verse na necesidade de descubrir por que o corrector está a considerar como correcta unha palabra que, en principio, non debería considerar correcta.
O primeiro paso a seguir é executar a orde «hunspell» pasándolle a palabra. Esta orde fornece información importante para entender de onde sae a palabra.
Por exemplo, para que «hunspell» indique por que considera correcta «palabras»:
$ echo palabras | hunspell -d gl -m palabras st:palabra po:substantivo feminino . is:plural $
Isto é o que nos estaría dicindo «hunspell»:
- A palabra é correcta segundo o corrector «gl». En caso contrario, só veríamos
palabras
, sen toda a información que apareceu á dereita. - A palabra é a forma plural (
is:plural
) de «palabra» (st:palabra
).
Esta información debería abondar para localizar o erro no corrector, se é que hai tal erro.