Construír e instalar o corrector Hunspell de galego
↑ Ir a «Guía de desenvolvemento do corrector Hunspell de galego».
Para construír unha versión personalizada (ou non) do corrector Hunspell de galego, débense seguir estes pasos:
Descargar o corrector[edit]
Pódense descargar versións estábeis do corrector desde SourceForge.
A última versión (non necesariamente estábel) do corrector pode descargarse de GitHub.
Compilar o corrector[edit]
Para compilar o corrector:
- Abre un terminal ou unha consola.
- Sitúa o terminal dentro do cartafol «hunspell-gl».
- Executa «scons».
SCons encárgase de construír o corrector empregando o grupo de módulos predeterminado. Como resultado, créase un cartafol novo, «build», que contén os ficheiros do corrector: «gl.aff» e «gl.dic». Estes son os ficheiros que hai que instalar.
Para construír o corrector cunha combinación personalizada de módulos, ao executar «scons» hai que pasarlle algúns parámetros. Executa «scons -h» para máis información sobre como construír o corrector cunha combinación de módulos personalizada, e sobre que módulos hai dispoñíbeis.
Instalar o corrector[edit]
Para instalar o corrector, simplemente hai que situar os ficheiros «gl.aff» e «gl.dic» do cartafol «build» no cartafol de Hunspell do sistema.
Por exemplo, se o cartafol de Hunspell é «/usr/share/hunspell», para instalar os ficheiros abonda con executar:
sudo cp build/* /usr/share/hunspell/
